កូនរបស់ព្រះគឺជាមនុស្សម្នាក់ដែលព្រះជាម្ចាស់ជ្រើសរើសដោយអធិប្បតេយ្យភាពរបស់ទ្រង់ហើយព្រះអង្គសង្រ្គោះនិងកែប្រែពួកគេឱ្យមានជីវិតរស់នៅដោយព្រះវិញ្ញាណនៃព្រះនិងពឹងផ្អែកទៅលើព្រះបន្ទូលរបស់ព្រះ។ កូនរបស់ព្រះគឺលឺហើយយល់អំពីដំណឹងល្អសង្រ្គោះរបស់ព្រះយេស៊ូវគ្រីស្ទដោយយល់ព្រមទទួលយកថាព្រះយេស៊ូវគ្រីស្ទគឺជាព្រះ និងជាព្រះអម្ចាស់ និងជាព្រះអង្គសង្គ្រោះនៃព្រលឹងរបស់ពួកគេ។ កូនរបស់ព្រះដឹងខ្លួនហើយយល់ថាពួកគេជាមនុស្សមានបាបសមនឹងធ្លាក់នរគបឹងភ្លើងអស់កល្បជានិច្ច ហើយដឹងថាព្រះសង្រ្គោះពួកគេដោយសេចក្តីមេត្តាករុណាសេចក្តីស្រឡាញ់និងព្រះគុណរបស់ព្រះអង្គ។ សញ្ញាសំគាល់ប្រាប់អំពីមនុស្សម្នាក់ដែលជាកូនរបស់ព្រះគឺជាសេចក្តីស្រឡាញ់របស់ពួកគេចំពោះព្រះ សេចក្តីស្រឡាញ់និងការគោរពប្រតិបត្តិតាមព្រះបន្ទូលរបស់ព្រះ សេចក្តីស្រឡាញ់របស់ពួកគេចំពោះក្រុមជុំរបស់ព្រះ និងសេចក្តីស្រឡាញ់របស់ពួកគេចំពោះព្រលឹងដែលបាត់បង់។